Banner 580-170 جوال

الشباب والبنات وعمليات التجميل الي هبووا فيها فجأة !

الي خلاني اكتب هالموضوع هو اني بعد ماسويت تجميل لأنفي بإيران هوجمت هجوم شديد
من الوسط الي عايش فيه واتهمت اتهامات ما اقدر حتى اذكرها وجاني احباط صراحه لكن مع ذلك ماندمت ع التجربه ابد .. ونزلتها باليوتيوب بكل ثقه لأني حاب اوصل فكرة ان التجميل ليس عيب ابدا طالما انه يضيف لك ك شب ..

عمليات التجميل ليست حكرا ل البنات والجمال مهم للرجل والا ماكان نصف جمال الارض لرجل .. والشي الثاني الي قاهرني ان البنت الي تطيح عند الممثلين الاجانب الي كلهم تجميل هي نفسها الي سبتني يوم عدلت خشمي حنا عدلنا نفسنا من اجلك ياحواء عساك ضلعك العوج للكسر .. وهي نفسها البنت اليت تحلم تتزوج شاب وسيم او ع الاقل خشمه مقبول ..
بالنسبة لي انا مايهمني وابسوي تعديلات بعد توني ماخلصت <– والنهاية هيفاء ماجيك ..
هذا مثال واحد فقط لواحد خاقين عليه البنات الي هو باتريك دمبسي بطل مسلسل grey’s anatomy



سبحان الله من عجينه مجدوعه بوجهه الى سلة سيف ..
ومعلومه مهمه :
الي خشمه شين ماراح يتغير يعني لاتصبّر نفسك وتقول غديني لاوصلت 25 يتعدل لا ياحبيبي الكناخر تبقى كناخر .. هذي
حقيقة واسأل مجرب اذا تبي تسوي او تبين تسوين تجميل سوها بدري يعني بعمر 200 مثلا حتى تستفيد من خشمك الجديد قدر الامكان وحتى يكون اسهل للناس يتقبلونك لأن بعد ماتكبر وتكبر خنافرك معك والناس يعرفونك بفلان ابو خشم وتجيهم فجأه خشمك صاير سلة سيف راح تتغير نظرتهم لك صدقني حتى لو ماقالوا لك او وضحوا لك هالشي .. مو لأنهم ضدك بس لاشعوريا يحسون انك تغيرت عليهم ..


عموما انا من هذا المنبر اشجع اي احد يبي يعدل ملامحه سواء خشم او حنك او زراعه شعر او اسنان او لغاليغ يبي يشيلها ..

وحاب اشوف ايش رايكم بالشاب الي يسوي تجميل مع او ضد .. واذا عندك سب ياليت تكتفي فيه بالتقييم <– افاا وين الي واثق ووخر عنه ؟

وابشركم اهلي تركوا عيارة ابو خشم وصاروا يسموني ابو خشم مقطوع <– تعيير بكل الاحوال .. 

لمتابعة المزيد , تفضل هنا , عياريين الاقلاع 

الوسوم:

Trackback from your site.

اكتب تعليقاً

يجب تسجيل الدخول لكتابة تعليق.

ابحث بالتصنيفات