ذيب عوى
ذيب عوى وانا على صوته اجيب
ومن ونتي جضت ضواري سباعه
عز الله اني جاهل ما اعلم الغيب
والغيب يعلم به حفيظ الوداعه
يا الله يا رازق عكف المخاليب
يا محصي خلقه ببحره وقاعه
تفرج لمن صابه جروح معاطيب
وقلبه من اللوعات غاد ولاعه
ان ضاق صدري لذت فوق المصاليب
ما نيب من يشمت فعايل ذراعه
صار السبب مني على منقع الطيب
ونجمي طمن بالقاع عقب ارتفاعه
يا طول ما هجيتهن مع لواهيب
ولا ني بداري كسرها من ضلاعه
ويا طول ما نوختها تصرخ النيب
وزن البيوت اللي كبار رباعه
واضوي عليهم كنهم لي معازيب
اليا رمى زين الوسايد قناعه
أضوي عليهم واتخطى الاطانيب
واخذ مهاوية الجمل با ندفاعه
أبا انذر اللي من ربوعي يبا الطيب
لا ياخذ الا من بيوت الشجاعه
يجي ولدها مذرب كنه الذيب
عز لبوه وكل ما قال طاعه
وبنت الردي ياتي ولدها كما الهيب
غبن لبوه وفاشله بالجماعه
يا كبر زوله عند بيت المعايب
متحري متى يقدم متاعه
شالح بن هدلان