سم حالي فراقه
سلموا لي على اللي سم حالي فراقه
حسبي الله على اللي حال بيني وبينه
قايد الريم تاخذني عليه الشفاقه
ليتني طول عمري خاتم فى يمينه
أه وا قلبي اللي راح مني سراقه
تل حبل الموده وانقطع فى يمينه
بالهوى طاح ما بالراس عقب الحماقه
اتشهد واسمي لا خزرني بعينه
والردايف تشيل الثوب عن حجل ساقه
مثل برق تكاشف لا كشف عن جبينه
زاميات نهوده يوم زرر شباقه
مثل خوخ مخدد توهم قاطفينه
لا ذكرت الليالي اللي مضت والصداقه
عود القلب يرجف مثل رجف المكينه
عقب ما هو نديمي صار شوفه شفاقه
الله اقوى على اللى عشر واربع سنينه
اشتهى عشرتي وانا عشقته عشاقه
فى زمان مضى واليوم ويني و وينه
فهد بورسلي