لو طال وقتي مانسيته

صـاحبـي لو طال وقتى ما نسيته

مــن يقول أنسى حبيب ما نساني

صار لي أكثر من شهر ما عاد جيته

والبطـى والبعـد ما من فيه امانى

مـا هـقيت انــا نتفرق ما هقيته

أولا هقـيت أنـه يـغيرنا الزمانى

اتـذكـر سـاعـة فـيها لـقيتـه

وأتـذكـر بـرد مـاه اللى عطانى

واتـذكـر وقـفتـي بشبـاك بيته

خـاطـرى ما طاب من ذاك المكانى

عفـت زيـن البيض جمله ما بغيته

مـا بقـلبي غـير ذاك المـودمانى

لـو يـقــربه البـكاء والله بكيته

مــن خـبر حي بكى له حي ثانى

ليـت كـلمـة لـيت تنفعني ياليته

عـاذلـى مـن أولـه لـيته نهانى

حـملـونـي عـداى ذنب ما جنيته

وقـولـونـي قـول ما قاله لسانى

والكـلام اللـي امـوجهـلي نفيته

مـاعـلينا مـن فـلان ومن فلانى

سليمان الهويدي