هجاء بين ابن لعبون وابن ربيعه
قال بن لعبون يخاطب ابن ربيعه
البارحة اسهرواديرالتفاكير
في ذم نذل بادى بالعيارة
لاطالب دم يبي له مغاوير
حتى نعذرلو طلبنا بثاره
ولا صان عرضه لو بوسط الدواوير
ولاهوب يطلبنا بقايا تجاره
من غيرذنب أركى في قفانا مسامير
وأشرف علينا ناظر بعين الحقاره
وحنا هل الوادي وحنا المناعير
وحنا ودينا جارنا من اجداره
ماحدرت وديان بيشه مياسير
كل اليمن بالسيف يملك ادياره
عن المجد انشد بني يام ومطير
ونشد جماجم روسهم عند واره
خطلان الأيدي كالأسود الهزابير
مقابس للحرب ون شبت ناره
منداتهم يشبع بها النسروالطير
بيوم تغيب شمسها في نهاره
حريبهم لو كان دونه نواطير
لابد ما يفجع صباح بغاره
خذ ما تراه وخل عنك الخماكير
من شق جيب الناس شقوا وزاره
ترا ذهاب النمل سعيه بتطيير
خذ راسها ياللى تنعزه بغاره
عن قولتك ولد حسن جده صنيفير
الناس كرعان وجده فقاره
شيخ نشا ماداس عرضه بتصغير
ولاقبل يوم جذ عينه بجاره
جده نحا جدك من العرض والنير
حدرك يم الشط تاكل صباره
اخذ الصحيح إن كان قصدك معايير
العيب من دارالخمر والدعاره
ويمناك تقصرعن فعل نية الخير
ومن المراجل ماذكر بك نماره
حمراك ماتذكر تلاقي المشاهير
ومقطمرة بالسفح تبغي النياره
لوانت في حصن رفيع المقاصير
تنيروسط الليل ماهي نياره
من طلعتك سهمتك رقص وتصفير
وبالعون مابك عقب شعرك تجارة
تفخربسلطان العرب وانت من غير
ما مفخرالبزون ليث المغارة
تدري بجدك من مقافي بقاقير
جالي وحطه مقرن في جواره
خلاه بالخدمة بدارالمخاطير
ومن عقب ذا داره برسم العشاره
وملفاك تركي يوم جيته بتزوير
عن اصلك ثم اطلعك في نهاره
واقفيت تشتم للصفرات والبير
وتقول عود جيت اله وخساره
واقفلت من نجد تباري الحدادير
ومن عقب ذاما شفت خضرة ادياره
لوانت منهم مارضوالك بتحقير
عند القبائل مظهرين وقاره
عينت ثاقب تاخذه بنت بنقير
شقحا بطين وداخليه طهاره
في وسط غانه تسدي الغزل وتدير
وزود لأهلها بالحياكه تجاره
ياعبيد بن عمك خواله بياسير
وعينك عمت من شوف عيبك وعاره
وان طعتني خل السباع المظاهير
عندك اخو مريم تصلفط بداره
ابوصباح ريف ركب معابير
هوزبن مضيوم جلا عن ادياره
جابر لكم سدره وانتم عصافير
لاضيم عصفورلجى في جواره
يستاهل البيضا بروس المقاصير
واولاده اللي كل منهم نعاره
واللي ظهرياعبيد من جمة البير
يكرم سامعيها جزيته نكاره
وان كان دارتنا الهبايب على خير
إلا نجر ابها الربابه وطاره
وقال ابن ربيعه يرد على ابن لعبون
خد ماتراه وخل عنك التفاكير
ياقلب ياللي كل ماجاه داره
لابد للعسرالمنوخ مياسير
ولابد ما تقفى النذاله بشاره
العبد ماله عن احتوف المقادير
واللي كتب لو هو بصندوق زاره
ماقل دل وحاجتي ياهل العير
طرس تودونه لحامي جواره
من ديرة العوام روحوا مسافير
تلقون ينبوع الندا والنعاره
ربع يسرك وردهم والمصادير
صبيان ياما شتتوا كل غاره
صارالجزاء لي من عشيري معايير
ليته يشارهني مشارى مشاره
ان كان حنا ياخوالك عطاطير
فحمود تبطل شيمته واعتباره
جدك أخذ هنديه بالدنانير
بيضا وتكوم داخليها طهاره
ليتك تقرا بخطبتك بنت ضهير
انشد بني عتبه ترا العجم داره
مرباه في دسبول والجد بنجير
اشقر ولطامة خدوده خساره
حنا هل الباس الشديد المناعير
وحنا الى خرب المذاهب عماره
ناهيك من صنعا إلى ما ورا الدير
انشدك من كل البوادي جواره
انشدك من خيله بفارس مشاهير
وانشدك من اضرم على العجم ناره
وان قيل ثور مقرى السبع والطير
اسهر عيون أهل المدن بالنطاره
ومن طوع المأمور بالسيف والمير
على ايمنه شرعه وسيفه يساره
هذاك ابن عمي وخل الجماهير
ياخوعمر وش جابنا للعطاره
الراية البيضا لها نية الخير
مادامت العينين ترعى سماره
بيت السلف بيت الخلف والمظاهير
بيت عمارالمنتفق من عماره
بيت لهم ورد الرياسه بتصدير
حلوين علقم للذي به مراره
بيت لهم شيمه علامة عن الغير
ما لجلجت عينه بجدار جاره
بيت الندا بيت الغنا للمعاسير
بيت الرياسه والحكم والوزاره
بيت تقصده الهلا ... كامن النير
مالي سواهم يعلم الله تجاره
اختص ابو هزاع حبس الطوابير
كم حلة داسه وجدد مغاره
شيخ على وضح النقا كونه اعصير
والليل غطا ما انتقل في دعاره
تيامنوا ربع وربع مياسير
وخلوا عمرعامودهم بالمعاره
ادوا من الزوركما مخلص الكير
واللى على قربه عقبهم شراره
حر تذكر ماكره وادلج السير
عزي لكم ياللي سكنتوا دياره
ادمى العرب من شنبل الشام لنجير
ولاعاش من يسكن بعدهم دياره
امين قولوها معي خاتمة خير
من مخلص مامون سره جهاره