اشهد ان دنياي
أشهد أن دنياي ماجت في عدال
زودها النا كل عام ترذلون
ذوقتنا الكدر من عقب الزلال
وعلقت رمحينها بين المتـون
خمسة أشهر ما قعدنا بالظلال
كود ظل اللي به العاف مخزون
في تصاريف الحجر هي والحيال
وأن قضوا ذولا هذولا ينزلون
قالوا أن الصبر تقنيه الجمـال
غرهم سنيل الجلادا والمنـون
يا مصورة السوالف بالعدال
اثركم فيما حكيتوا تكذبـون
أشهد أن الصبر تقنيه العيال
كل ما حطوا عليهم ينقـلون
يردون الموت في كل الأحوال
غير ذلك والسكارى يضحكون
وعـذابي من طويلات الليال
أشهد أن الغوص راعيه مغبـون
كـل ما كمل هلال جا هلال
من محاتاهن يشيبن العيـون
أربعة جرد تكملهن كمال
لين يكمل حتنهم ويقفلـون
يالنشامة ياكريمين السبال
كل كون غير كون الله يهـون
بد من يوم وتشوفون العدال
عقب مارحتوا جنوب وتشملون
مرشد البذال