Banner 580-170 جوال

مشاكل والدي , اتمنى الانتحار

مشكلتي أن من زمان مشاكل في بيتنا والسبب أبوي مااعرف ليش تغير بشكل مفاجئ بعد ماكان الاب الحنون لكن والله من صرت في سادس ابتدائي والحين عمري 29 سنه /من سادس لين صرت بالثانوي وبيتنا مشاكل والطرف الثابت فيها أبوي سواء مشاكل مع امي سواء مع عماتي كل القرايب علاقته معهم سيئة مع العلم انها ماتأثرت علاقتنا بالاقارب بشكل صريح محافظين عليها الى الآن .. والحين عمري 29 سنه ..

اخواتي اللي اكبر مني تزوجو مابقى الا انا وامي و3 من اخواني بالبيت واخوي الرابع موظف بمدينه غير حائل .. صحيح ان بيتنا ماتغيرت المشاكل بس على الاقل كبرت وصار ابوي مايقدر يمد يده علي … لكن مايمنع من الكلمات السيئة اللي يقولها بين كل وقت ووقت .. أما امي فـ طول الوقت وهي تسمع كلام بذيء منه وهي منه براء والله على مااقول شهيد .. المهم زبدة الموضوع كله والخلاصة كنت صابرة على الوضع لآني امي صابرة عشاننا وجالسة معانا لكن قبل اسبوعين تقريبا ابوي مد يده على امي تخيلو بالخمسين هي وهو بالسبعين ويقول لها كلام بذيء مايصدر من شخص عاقل وتطور انه يمد يده ..!! والسبب تافهه أشياء يقولها ان امي مسويتها طبعا ماقدر اذكرها لكن والله انها منها براء ، لكن مدري كيف تطري عليه اصلاً حتى يفكر بها ! امي ماتحملت الوضع كان وقتها عندنا اختي في الأربعين وصارت ذاك اليوم مشكلة كبيرة انا دافعت مع امي واختي اخذت اغراضها وهجت ل بيتها وامي رافقتها لبيتها يعني جلست انا وابوي واخواني ال3 .. مع ان اخوي الثالث مايجي للبيت الا اخر الليل عشان ينام بس اما انا واخواني الصغار 15 – 12 سنه حنا اللي ماكلينها تلعين وتشتيم .. اول كنت اصبر عشان امي موجودة لكن الآن صرت لحالي وماعاد فيه أم ولاشيء أمي رفعت عليه قضية .. عاد الله اعلم متى يبتون فيها / يعني مستحيل ترجع للبيت .. وهو الى البارح رجع لوضعه القديم وصار يهاوش ويضرب اخوي عشان شيء تافهه ( ماضيي جاء قدامي وماضيي أخوي الكبير لما كان ينضرب ومابيدنا حيلة .. وللأسف اكتشفت اني حتى وانا بهالعمر مابيدي حيله ) يعني التاريخ يعيد نفسه .. اقسم بالله ماكذبت ولابكلمة .. انا افكر جدياً بالانتحار اقسم بالله – احيانا اقول ابهرب من البيت بس اهرب اروح وين ؟ ولو هربت ورجعت له بصير في عداد الاموات ، اقسم بالله صرت افكر بالانتحار تفكير جدي / اخواتي يصبروني اصبري أصبري بكرا تفرج وانا والله بدا ينفذ الصبر ولا باليد حيلة .. تكفون لاتقولون لي تقربي من ابوك وخليه يحبكم / انتم مستوعبين اكثر من 18 سنه شخص يهينك او يهين احد من اخوانك وحتى امك ! ويتكلم كلام بذيء فيكم .. وانتم منه براء ! بفكر اني اخليه يحبني بعد كل هالاشياء فكرت بدار الرعاية لو حصل لي وهربت فيها بس لما قريت القصص طلع الجحيم اللي عايشة فيه جنه .. اعتذر عن الاطالة أتمنى تقترحون علي وش أسوي عشان اطلع من هالجحيم اللي انا فيه والله اني في كربه لايعلم بها الا الله .. وأغلب الموضوع عشان افضفض لكم وارتاح شوي ..

للمساعدة , ايجاد حلول , توجيه نفسي وإجتماعي , عياده الاقلاع

 

الوسوم:

Trackback from your site.

اكتب تعليقاً

يجب تسجيل الدخول لكتابة تعليق.

ابحث بالتصنيفات